الأربعاء، 15 أغسطس 2012

traffic light



الأصل في الألون كان الـ 3
أحمر

أصفر
أزرق





الإشارة هي وسيلة مساعدة أحيانا ووسيلة وقف للمراكب السايرة أوقات تانية

وكتير قوي بتبقي زي قلتها 
ولا ليها أي لازمة




بس زي ما قلنا لسبب ما الإشارات لونها اتغير

...

كان اللون الوحيد اللي اتغير الأزرق
الأزرق كان طموح...وتميزه اللي كان باين جدا من غير ما يحتاج انه يبينه كان مخلي مكانته أعلي من الأحمر والأصفر رغم انه في اخر السلم الطبقي




غيرة يمكن...أو يمكن قلة أصل برضه بس اللي حصل أن الألوان التانية قررت إن الأزرق ما عادش ينفع يبقي أزرق خلاص

الأحمر كان متسلط...أناني مغرور جدا وما اتحملش وضوح وغموض وجاذبية الأزرق


والأصفر لأنه تابع...مريض وخاين رحب جدا بأنه ينفذ العملية تحت إمارة الأحمر



ليه لأ

بس الأصفر عارف كويس إن الأزرق ما ينفعلوش المواجهة المباشرة
ما يجييش معاه حتي الطرد او النفي او النبذ بشكل واضح كده
الحل في الصبر
وقد كان
الأحمر الوسيط الوحيد ما بينه وبين الأزرق كان الأصفر





ودي المصيبة

الأصفر أقنع الأحمر بشكل ما أنه لازم الخطوة تبقي "خطوة إنتقالية" لأن دي لما تتنفذ بصبر وبحكمة هو هايبقي أقدر أنه يغير الأوضاع تماما
وأقتعه إنه يسيب الموضوع عليه...بس يصبر
.....

.....
.....

الفترة اللي عدت كلها كان الأصفر بيرسب كل المرار اللي فيه علي الأزرق
كان بيكسر حدته وجموحه بجبنه وتخاذله
كان بيحوله تماما من حاجة لحاجة
واللي حصل كان مفاجأة للأحمر
اتفاجئ لما لقي إن الأزرق اللي كان قرب يقهره خلاص بقي مسالم جدا!
بقي أخضر!!!!